كشف المطرب حلمي عبد الباقي، عن علاقته ببناته الأربعة، وسبب عدم دخول ابنته الكبرى مجال الغناء رغم امتلاكها الموهبة المميزة.
وتابع عبد الباقي، قائلًا: “عندي 4 بنات وعايش مدلع خالص ويا بخت اللي عنده بنات، وكمان كلهم متعلقين بيا أوي”، مضيفا: أن أسماء بناته، دينا وماهيتاب وساندي وباكينام، وأمي الله يرحمها كانت بتقولي يا ابني أنت مسميلنا أسامي هندي، وكمان مكنتش تعرف تقول باكينام.
وأوضح النجم، أن ابنته دينا الكبيرة تحفظ جميع أغانيه أكثر منه حسب قوله، حيث أنها لم تدخل مجال الغناء كون الموضوع كان صعب عليه لأنه فلاح، مضيفا، أنه لا يتمنى لهم أن يمروا برحلة التعب التي عانى منها في مشواره الطويل، والأخلاقيات دلوقتي مبقتش زي زمان، وأنا الحمد لله البنات ولادي واخدين بالهم مني كويس جدا وكمان زوجتي حاجة عظيمة جدا.
وقال المطرب حلمي عبد الباقي، في تصريحات تليفزيونية، “جيلنا كان محظوظ، ولكن ليس محظوظ إعلاميا والمتلقي زمان كان مختلف عن دلوقتي ولما كنا بنعمل أغنية كنا نتوقع انها رايحة في حتة تانية ودا لأن المتلقي سميع للأغاني، أنا اللي اكتشفت نفسي ومحدش اكتشفني وأنا من الزقازيق، وكان هناك أفراح عندنا وصاحب الفرح كان صحابي بيخلوني أغني فيه، ولما جه العيد القومي للشرقية خلوني أغني في الحفلة، ومن ساعتنا اكتشفت اني بغني كويس.
