وجهت المطربة المصرية أنغام رسالة صوتية مؤثرة لجمهورها، عقب عودتها إلى مصر بعد رحلة علاجية شاقة، عبرت فيها عن امتنانها لكل من دعمها وساندها خلال أزمتها الصحية الأخيرة.
وقالت أنغام في رسالتها: “بشكركم من كل قلبي.. أنتوا دعيتوا وربنا استجاب، ودعاكم كان هو الدواء، وهو الإيد اللي بتطبطب، وهو الحنية اللي وقفتني على رجلي بعد ربنا وبعد الدكاترة.”
وأضافت أنها كانت تخشى على أولادها خلال مرضها، مؤكدة: “أنا كان كل خوفي أني أسيب أولادي.. مكنتش عايزة حاجة من الدنيا غير أني أرجع لهم وأكمل معاهم شوية.”
وأوضحت أنغام أنها لم تخجل من إظهار ضعفها أمام الجمهور، قائلة: “أنا عمري يمكن ما كنت بالضعف ده قبل كده، بس أنا مش زعلانة أبداً إني أكون ضعيفة قدامكم، لأني حسيت إني منكم وأنتوا أهلي.”
كما توجهت بالشكر للأطباء الذين أشرفوا على علاجها، مشيدة بدورهم في تعافيها: “مش هقدر أقفل الرسالة دي قبل ما أشكر أستاذ دكتور بروفسور أيمن آغا، وأشكر أستاذ دكتور محمود نجيدة اللي كان متابع حالتي من البداية لحظة بلحظة.”
واختتمت أنغام رسالتها بتعبير عن شوقها للقاء جمهورها قريباً على المسرح، وقالت: “أنا مشتاقة جداً أشوفكم قريب على المسرح بإذن الله.. محبتكم ودعواتكم كانت نعمة كبيرة وسبب رئيسي في رجوعي للحياة.”
