علقت الفنانة الكبير يسرا عن نبأ اعتزال الزعيم عادل إمام، وأعربت عن حزنها الشديد لهذا الخبر، وقصة بكائها خلال حفل تكريم اسم الزعيم عادل امام في المملكة العربية السعودية.
وقالت يسرا في تصريحات اذاعية، انا عمري ما هنسى لما أستاذ عصام إمام قالي من 20 سنة، هعملك مسرحية وهسميكي الزعيمة وقتها رديت عليه، قولتله لأ مفيش زعيم غير أستاذ عادل إمام، فأنا برضوا صعب أي حد يقارن نفسه بـ عادل إمام الفنان الكبير.
وأضافت يسرا: أنا ولبلبة دايمًا بنروح نشوف الزعيم وأنا بفرح جدا بقاعدتي معاه وبنقعد نتكلم على كل الشغل وبيضحك ويهزر، متابعا: الزعيم قاعدته دمها خفيف، هو راجل رائع بمعنى الكلمة.
وتابعت يسرا: الزعيم قالي أنتي بتتنطتي قدامي في كل السيناريوهات، فأنا بقول أنك لازم تبقي معايا ومتصورتش في يوم إن الزعيم عادل إمام أستاذنا الكبير يعتزل لأنه عاش للفن.
