أخبار
«واحد.. اتنين.. فلوسنا راحت فين».. موظفو ماسبيرو يتهمون «حسين زين» بشراء فيلا في التجمع بأموالهم
واصل موظفو ماسبيرو اعتصامهم لليوم العاشر على التوالي، مطالبين بمنحهم العلاوات والمعاشات المتأخرة منذ عام 2017، والترقيات الموقوفة بتعليمات من حسين زين رئيس الهيئة الوطنية للإعلام، مهتمين إياه خلال احتجاجتهم بشراء فيلا في التجمع الخامس من أجورهم وعلاوتهم المتأخرة التي تقدر بالملايين.
وفي الوقت الذي حاول فيه حسين زين فض الاعتصام عبر تخصيص نحو 60 مليون جنيه من وزارة المالية للعلاوات المتأخرة، رفض الموظفون فض اعتصامهم إلا بعد تحقيق جميع مطالبهم سواء للعلاوات المتأخرة، أو لأصحاب المعاشات، مؤكدين أن المبلغ الذي رصده زين لحقوقهم المالية المتأخرة لا يكفي، وأن قيمة العلاوات والمعاشات المتأخرة تصل إلى نحو 720 مليون جنيه، وليس 60 مليون جنيه.
وحاول زين خلا الأسبوع الجاري استقطاب بعض الموظفين المعتصمين، عبر اجتماعه مع ثلاثة منهم داخل مكتبه لمحاولة اقناعهم بفض الاعتصام، إلا أن الموطفين أكدوا بعد اجتماعهم معه أنهم تم إجبارهم على لقائه، مؤكدين أنهم مستمرون في اعتصامهم حتى تحقيق جميع مطالبهم.
ونشر الموظفون ما تم تخصيصه من أجور فى الموازنة الحالية المخصصة رسميا من الدولة للهيئة الوطنية للإعلام للسنة المالية 2021-2022، التى بدأ تطبيقها منذ بداية يوليو 2021، مؤكدين أنه حدثت بها زيادات جديدة، حيث وصل إجمالي المخصص لبند الأجور إلى 2 مليار و875 مليون و100 ألف جنيه فى 2021-2022، بعد أن كان 2 مليار و794 مليون جنيه، بزيادة قدرها 80 مليون جنيه عن العام الماضى، ما يعنى أن مخصصات الأجور للعاملين بماسبيرو أصبحت الآن 239 مليون و508 ألف جنيه شهرياً وليس 220 مليون كما تعلن قيادات الهيئة أنها لم تزد منذ 2011.
وتساءل موظفو ماسبيرو، رغم كل هذه الزيادات، ورغم انخفاض أعداد العاملين والحاصلين على إجازات، وكذلك الوفيات والاستقالات، وحالات إنهاء الخدمة، فلماذا تستمر الخصومات الشهرية الكبيرة من مستحقات العاملين فى مختلف القطاعات؟
ومن جهته حاول حسين زين رئيس الهيئة الوطنية للإعلام توضيح أسباب أزمات ماسبيرو المالية خلال رده عبر الصفحة الرسمية للإعلامى عبدالرحمن صبحى رئيس الفضائية المصرية، ونائب رئيس قطاع التليفزيون السابق، على موقع التواصل الاجتماعي الفبس بوك، حيث قال حسين زين:
“أشكرك ياعبد الرحمن بس انت اكتر واحد عارف ان موضوع العلاوات والترقيات والتسويات ونهايه الخدمه المكافاه دي لازم ليهم تمويل وطالبنا من وزاره الماليه اكتر من مليون مره ارسال تمويل البنود دي علشان دي حقوق العاملين وتبعت اعتذار وتكتفي بمبلغ التمويل الشهري 220 مليون الثابتين منذ سنه 2011 اللي مش بيكفي اجور ثابته وحوافز ومتغير وامور تشغيل وصيانات ورفع كفاءات ورعايه طبيه ومليون بند تاني والماليه تعلم ده كويس والهيئة تتحمل شهري عجز موازنه 40مليون بندفعهم احنا علشان استقرار الامور دي يعني احنا عايزين 260مليون شهري مش 220 علشان نعمل ده طيب بعد تعويم الجنيه وارتفاع جميع المنتجات وزياده نسبه التامينات والمعاشات والضرائب واعمال الصيانات وزياده التغطيات وده بيكلفنا كتير فوق طاقتنا مليون مره الامور لا تحتمل طيب ده لو محل شغال بره حيزودوا علي الاقل ٥٪ سنوي واحنا ولا جنيه زياده والناس اللي بتقول اللي بيخرجوا معاش فين فلوسهم ماانت عندك عجز ٤٠ مليون اصلا فوق ٢٢٠ مليون وكمان علشان تعمل الترقيات عايز شهري زياده ٤٠ مليون بعد الدراسه وارسلنها للماليه والعلاوات عايز بعد دفع المتاخرات بتعتها اللي هي ٧٠٠ مليون دفعت الهيئه من مواردها ١٨٠ مليون فيها وده بياثر علي بنود تانيه ومحدش بعت جنيه واحد يعني احسب كده انت عايز زياده ٤٠ مليون ترقيات + ٤٠ مليون عجز+٤٢مليون للعلاوات شهري بعد دفع ٧٠٠ مليون عايز ١٢٢ مليون زياده فوق ٢٢٠ مليون شهري غير مكافاه نهايه الخدمه اللي اتفاجنا انه مافيش صندوق له ولا تمويل عايز ١٦ مليون كل شهر غير زياده نسبه التامينات والمعاشات ومع ذلك تتحمل الهيئه من مواردها للتغطيه حوالي ٤٥ مليون ومش قادرين علي الباقي واطلب ومافيش حاجه ب تيجي وعندي كل الاوراق دي واحنا بنحقق موارد سنوي اكتر من ٦٠٠ مليون بس في ظل ده كله ولا حاجه ومش راضين يرسله سعر الخدمات المؤداه بتعتنا الارقام الفعليه اللي بنغطي بيها علشان نقدر علي ده كله وفي الاخر بنتشم ويتقال علينا كل ده هو لو فعلا احنا مقصرين سيبنا ليه مع الشكر ياعبد الرحمن”.
