في أول تعليق له، على انهيار أجزاء من محور كمال عامر، الأمر الذي أثار حالة كبيرة من الجدل قبل يومين، قال المهندس كامل الوزير وزير النقل، أنا آسف بس مش عاوز أقول في شوية ناس مش بيفهموا.. ولكنهم يرموا شوية تراب على الحاجة الحلوة، حسب قوله.
انهيار أجزاء من المحور، أثار حالة كبيرة من الجدل خاصة أن الحادث أسفر عن مصرع أحد الأشخاص إثر سقوط بعض الأجزاء من المحور، وزير النقل أضاف في تصريحاته قائلا: الناس إمبارح قالوا ألحق الكوبري وقع وإعدام كامل الوزير وصرف 2 مليار جنيه على الكوبري ووقع.
وأوضح الوزير قائلا: أنا المسئول عن كل كباري مصر ولكن مفيش حاجة انهارت ولا وقعت، واللي اتقلب الكمر كانت على ونش بيركبها وكانت بعيد عن الشارع في آخر منزل للكوبري اللي شغال تجريبي ولا تشكل خطورة على الناس، وكمان مالت على جمبها واتقطمت ووقعت في المكان المحدد للعمل ومن توفي العامل المسئول عن تصبين الكمر الخرساني فقط، قائلا: افهموا وبصوا وحللوا واعقلوا وشوفوا إيه يتقال وإيه ميتقالش.
