كشفت الفنانة دوللي شاهين تفاصيل جديدة عن مرحلة طفولتها وعلاقتها بوالدها، والتي كانت متوترة باستمرار، حسب قولها.
وأوضحت دوللي شاهين خلال تصريحات لها اليوم، قائلة: طفولتي مكنتش لطيفة جدًا واللي فكراه إني في سن مُعينة كنت عاملة زي الولد وبتعامل زي الولد وشقية جدًا، وعلاقتي بـ أهلي ووالدي بالذات ماكنتش كويسة، ولكن والدتي كانت ملاك.
وأضافت شاهين: بابا أثر فيا أكتر من ماما لأن شخصيته قوية جدًا وماما اتجوزت بابا وهي عندها 14 سنة وهو كان عنده 34 سنة، ونقدر نقول إن هو اللي ربى ماما، وغلط جدًا أن حد يتجوز بفرق السن الكبير ده، والمنطقي إن الراجل يكون أكبر من الست بسنتين مثلًا وعادة الست بتنضج أسرع من الراجل، وبتستوعب الحياة أسرع، لأن التربية الشرقية للأسف بتربي البنت أنها تشيل المسؤولية والبيت بدري.
وتابعت: ماكنش عندي فتى أحلام، بابا كان راجل شرقي بزيادة وكان عنده قيود كتيرة وكان كل أحلامي إني أتحرر من قيوده، قبل ما أفكر مين فتى أحلامي.
واستكملت: كان هدفي إني أتحرر من العقلية المتخلفة دي اللي أنا عايشة فيها مع أبويا هو كان شايف إني مش حلوة وأنا دايمًا بقول البني آدم اللي عنده مشاكل بتكون من الطفولة وممكن والدي كان كده.
