إيمي سمير غانم تتذكر والديها بكلمات مؤثرة: كان نفسى يشوفوا ابنى

تذكرت الفنانة إيمي سمير غانم والديها الفنانين الكبيرين سمير غانم ودلال عبد العزيز بكلمات مؤثرة للغاية في منشور نشرته عبر صفحتها الشخصية على موقع تبادل الصور والفيديوهات إنستجرام، حيث كتبت: “كل فترة بسأل إمتى أشوفك؟ بجد الفراق من أصعب الحاجات اللي بنحس بيها ربنا يصبر كل اللي بيحس بنفس شعوري تجاهي، عايزة أقولهم اللي شايفه في حياتي واللي زعلان مني ويشوفوا ابني”.

وأضافت إيمي سمير غانم في البوست: “تفاصيل كتير وطبعا الحياة لازم تستمر والحاجات اللي عارفينها واحنا بنشتغل ونربي ولادنا ونضحك ونعيش أيامنا بس التفكير فيها ما بيهدأ.. نصيحتي لكل ولد وبنت ربنا يخليلك أبوك وأمك وتبقي تحت رجليهم كل يوم. الأصدقاء مش مهمين والسفر مش مهم مش مهم أي حاجة غير أنهم وأولادك معاك كل يوم وربنا يصبر كل الناس.. الفاتحة وربنا يغفر لهم ويجمعنا بيهم في الجنة”.

وفي سياق آخر، أكد مصطفى حجاج، مصمم رقصات العرض التليفزيوني، أن النجمة إيمي سمير غانم تتمتع بحضور غير طبيعي ولم تبذل جهدًا كبيرًا في التدريبات خلال الاستعدادات للعرض في مهرجان العلمين، كما لم يبذل النجم حسن الرداد الكثير من الوقت في التحضيرات، قائلًا: «بيننا صداقة ونحب أن نفعل الأشياء الخفيفة والبسيطة».

وأضاف مصطفى حجاج، خلال مداخلة هاتفية ببرنامج «الدنيا عالمين»، المذاع على القناة الأولى، أن أجواء المسرحية التليفزيونية كلها ألفة داخل العمل، موضحًا أن عملهم على تحضيرات المسرحية مناسب للموسيقى وداخل الإطار الدرامي، مشيرًا إلى أن هناك 4 عروض منها عرض لإيمي وعرض آخر لحسن الرداد وإيمي.